Гомельскія ідэолагі выправілі большасць памылак на мемарыяльнай шыльдзе, якая прысвечана агітплакату «Раздавім фашысцкую гадзіну!». Але пры гэтым не справіліся з беларускамоўнай раскладкай.
У верасні 2021 года чыноўнікі ад ідэалогіі адкрылі мемарыяльную дошку на сцяне былой фабрыкі «Палесдрук», прысвечаную 80-годдзю з дня выхаду ў Гомелі вядомага агітплакату «Раздавім фашысцкую гадзіну!».
Тады выканаўцы дошкі паставілі рэкорд па колькасці памылак у вёрстцы тэксту: выпадковыя прабелы, адсутнасць прабелаў паміж ініцыяламі, лічба «3» замест літары «З» у пачатку. Літары «ў» не аказалася ў раскладцы наборшчыка тэксту, яе дыякрытычны знак зверху надрапалі ўручную.
У новай версіі мемарыяльнай шыльды з тым жа самым тэкстам у наборшчыка зноў не аказалася беларускай раскладкі на кампутары. Цяпер замест літары «ў» у тэксце «у́» са знакам націску.
З улікам таго, што наборшчык тэксту выправіў ранейшыя памылкі, звязаныя з пунктуацыяй і расстаноўкай прабелаў, у другім варыянце шыльды засталося толькі шэсць граматычных памылак – па колькасці «у» нескладовых.х.
Флагток