З ініцыятывы новапрызначанага кіраўніка Гомельскага гарвыканкама Уладзіміра Прывалава ў Гомелі ўведзены новы абавязак для дзяржсектару. Цяпер рабочы персанал замест дворнікаў прыбірае тэрыторыю, дзе працуюць, і прылеглую тэрыторыю. Гэтая павіннасць таксама тычыцца работнікаў здравааховы, культуры, прамысловасці і транспарту, а таксама навучэнцаў устаноў адукацыі.
Такія працы Прывалаў назваў «Чысты чацвер» і цяпер хоча зрабіць іх гомельскім брэндам.
Як праходзіць «Чысты чацвер» можна пабачыць у фотасправаздачах ідэолагаў, якія яны выкладаюць ў Тг-каналах раённых адміністрацый і мясцовых прадпрыемстваў.
Гэта не салдаты, гэта кулінаркі з «Камбіната школьнага харчавання»
Санітаркі гомельскай псіхлякарні
Культоргі Цэнтра інклюзіўнай культуры
Газаўшчыкі Гомельаблгазу падмятаюць газоны
Медыкаў з тубдыспансэра адправілі прыбіраць смецце ў лесе ў сваім спецадзенні. Пацыенты, напэўна, і не заўважаць
Падобна, што праца дворнікамі выклікае радасць у работніц прадпрыемства-банкрота «Гомельшпалеры». Ці ўсмешкі на тварах не зусім шчырыя?
Кіраўніцтва Заводу пускавых рухавікоў можа адправіць цэлы цэх прыбіраць гарадскі сквер — на прадпрыемстве працы зусім не шмат
Разбіты асфальт туббальніцы адправілі месці санітарак
З дапамогай звычайнага веніка прадавачка гастранома сеткі «Алеся» можа прыбраць дарогу!
А калі адбудзецца раптам наезд на такога «дворніка», то траўма будзе «не производственной»
У чацвёртым аўтапарку аднаго работніка паставілі прыбіраць агромны гараж з лужынамі
Такія новыя кампетэнцыі Аўтамеханічнага каледжа
Навошта ў школе дворнік, калі заўсёды можна зняць з заняткаў школьнікаў для чысткі школьнага двара?
Навошта гораду ўтрымліваць камунальнікаў, калі настаўнікаў сярэдняй школы № 59 можна адправіць прыбіраць лес?
А навучэнцаў Транспартнага каледжа прыбіраць узбочыны гарадскіх вуліц?
Каб стварыць добрае ўражанне ад новага кіраўніка, сотні людзей кожны тыдзень выконваюць чужую нізкакваліфікаваную працу. Зразумела, сваю працу цяпер яны робяць горш.