Міністэрства аховы здароўя Украіны склала спіс небяспечных з пункту гледжання эпідэміялагічнай сітуацыі краінаў. Калі колькасць актыўных выпадкаў захворвання COVID-19 не перавышае 40 асобаў на 100 тысяч насельніцтва, то гэтая краіна адносіцца да “зялёнай зоны”.
Ілюстрацыйнае фота, kiev.vgorode.ua
Грамадзяне з “чырвонай зоны” пасля перасячэння кардону будуць адпраўляцца на абсервацыю ці самаізаляцыю на 14 сутак. Акрамя гэтага, калі замежнік з’яўляецца грамадзянінам краіны з “чырвонай зоны”, але мае пацверджаныя дакументамі доказы, што апошнія два тыдні правёў у “зялёнай зоне”, то ён вызваляецца ад абавязковай абсервацыі. Для ўсіх замежнікаў абавязковай умовай з’яўляецца наяўнасць медычнай страхоўкі на выпадак захворвання COVID-19.
На дадзены момант, згодна афіцыйнай статыстыцы, ва Украіне зарэгістравана 37 актыўных выпадкаў COVID-19 на 100 тысяч насельніцтва. У Беларусі гэты паказнік складае ажно 252,2 чалавекі на 100 тыс. насельніцтва.
Такім чынам, беларускім турыстам, якія плануюць сёлета наведаць украінскія курорты, трэба ўлічыць, што падчас паездкі яны могуць сутыкнуцца з непрадбачанымі перашкодамі.
Флагшток