Сталі вядомыя падрабязнасці затрыманняў і судоў над супрацоўнікамі светлагорскага «Ранка»
Па інфармацыі Гомельскай вясны, 9 супрацоўнікаў «Ранак-медыя» і «Ранак-рэклама» затрымалі ў пятніцу 9 чэрвеня .
Сярод затрыманых:
Андрэй Ліпскі — журналіст,
Павел Рабко — аператар,
Вадзім Вежнавец — галоўны рэдактар медыякампаніі,
Уладзімір Папоў — аператар,
Марына Бычкоўская — маркетолаг,
Алена Кісялёва — галоўная бухгалтарка,
Крысціна Казялькова — сакратарка,
Ганна Згурская — цяжарная супрацоўніца, на яе склалі пратакол і адпусцілі, суду над ёй пакуль не было,
Елізавета Шэвяленка — супрацоўніца, яе таксама адпусцілі пасля складання пратакола, бо яна мае інваліднасць, суду таксама пакуль не было.
Вядома, што ўсіх затрымлівалі ў розных месцах пасля працоўнага дня. Адну з жанчын нават затрымалі ў іншым горадзе.
На ўсіх затрыманых склалі пратаколы
па ч. 2 арт. 19.11 КаАП («распаўсюд экстрэмізму»). Па папярэдняй інфармацыі фармальнай прычынай стала падпіска на светлагорскі паблік у Аднакласніках, які мае "экстрэмісцкі" статус.
Прычынай затрымання рэдакцыі
стаў матэрыял Ранка аб аварыі на Светлагорскім заводзе беленай цэлюлозы. Затрыманне ініцыявалі мясцовыя чыноўнікі мясцовага райвыканкаму.
Мужчынам прысудзілі па 7 сутак адміністрацыйнага арышту, Бычкоўскай, Кісялёвай і Казяльковай — штраф у памеры 25 базавых велічынь.
Ранак — гэта светлагорская прыватная медыякампанія. Супрацоўнікі «Ранка» у 2020 годзе прайшлі праз рэпрэсіі (затрыманні і канфіскацыю тэхнікі), але змаглі працягнуць сваю працу.
t.me/flagshtok